Is ritus de sa Cida Santa
Algheru
A Algheru, su dramma de su Pàssiu e de sa Risurretzioni de Gesù Cristu cumentzat su
Martis cun sa Processioni de is Misterius e sighit po totu sa Cida Santa (
gloss.
).
Sa Giobia -acumpangiau de sa Cunfraria e de is trintadus lantionis ki donant luxi a is seti
statuas de is Misterius- ‘ndi bessit de sa cresia de sa Misericordia su Crucifissu,
lompiu a Algheru in su 1606, dopu s’affundamentu de sa navi spaniola "Santa Chiara di
Montenero".
Sa processioni passat in is arrugas de su centru goticu de sa tzitadi, sighendi
is 14 istatzionis de sa Via Crucis (
gloss.
)
e lompit a sa Cattedrali aundi su Crucifissu est esponniu po s’adoratzioni de is devotus (
gloss.
).
In s’incrasi si tenit su ritu de S’iscravamentu (in fueddai catalanu si narat
"descravaiment") (
gloss.
).
Unu corteu longu de devotus e de feminas cun sa faci cuada de
unu velu acumpangiat sa statua de sa Mater Dolorosa, bestia de nieddu, in sa processioni,
tzerriada de sa circa - las celcas - (
gloss.
):
sa Mater Dolorosa andat a circai su fillu mortu
e si stentat po unus cantus minutus in is cresias de sa tzitadi. Is cunfraris sighint sa statua
cun sa lettéra, is scalas de linna, is tanallas e is marteddus (
gloss.
),
mentri is predis, ki ant pigau
su postu de is nobilis antigus, andant a sa scuccia de sa lettéra sbuida, cun is cirius
mannus votivus (
gloss.
)
ki funti tzerriaus "axas".
A scurigadroxu (
gloss.
)
sa processioni arribat a sa Cattedrali e inguni cumentzat sa tzirimonia de S’iscravamentu.
Su Cristu benit calau de sa Gruxi e arrimau in sa lettéra (
gloss.
),
mentris sa corona de
spinas benit posta in conca a Nosta Sennora. A pustis sa processioni si torrat a ponni in
camminu cun sa lettéra illuminada, ki torrat in sa cresia de sa Misericordia, e benit
sepurtau a peis de s’artari magiori (
gloss.
).
Film: Sa Cida Santa: Algheru (AVI 6.700Kb - MOV 6.700Kb)